1990 оны чөлөөт зах зээлд шилжиж байсан хэцүү цаг үед барилгачдынхаа сэтгэлийн дуудлагаар үүсэн байгуулагдсан барилгын салбарын анхны мэргэжлийн холбоо ТББ таньтай мэндчилж байна.

Монголын Барилгачдын I-VI дахь их хурлаа хийж ойрын ирээдүйн зорилтоо тодорхойлж барилгачдынхаа эрх ашгийн төлөө ажиллаж, тулгамдсан асуудлыг нь төр хувийн хэвшлийн түншлэлийн зарчмаар хамтран шийдвэрлэж байгаа нь 30-н жилийн он цагийн товчоо нь МБНХолбооны бахархалт түүхэн замнал юм.

Барилгын салбарт төдийгүй Хөдөлмөр нийгмийн хамгааллын салбарт төрийн чиг үүргийг анх удаагаа гэрээний үндсэн дээр гүйцэтгэж байгаа нь бидний амжилт юм.

21 аймагт салбар холбоодоо байгуулж үндэсний хэмжээнд үйл ажиллагаа эрхэлж байгаа нь бидний цар хүрээ юм.

Барилгын салбарт 20 гаруй мэргэжлийн холбоод ТББ-уудыг нэгдсэн удирдлагаар хангаж түншлэл дээр тулгуурласан хамтын ажиллагааг цогцлоож байгаа нь бидний онцлог юм.

Та бүхэн Монголын Барилгачдын Нэгдсэн Холбоонд тавтай морил.